УИХ-ын нэгдсэн чуулганы өнөөдрийн хэлэлцэх асуудлын эхэнд буй  "Түлш эрчим хүчний салбарын талаар авах зарим арга хэмжээний тухай" Улсын Их Хурлын тогтоолын төслийн талаар яг одоо хэлэлцэж байна. УИХ-ын гишүүдийн зүгээс эрчим хүчний дараагийн эх үүсвэрийг бий болгох, одоогийн үйл ажиллагаан дахь хэмнэлтгүй, алдагдалтай байдлын талаар хуулийн төсөлд хэрхэн тусгагдсан талаар асуудал хөндлөө. Тухайлбал “Багануурын уурхай нэг тонн нүүрс олборлохын тулд 15 мянган төгрөгний зардал гаргаж байхад Тавантолгойгоос нэг тонныг 25 мянган төгрөгний зардал гарган олборлож байгаа” талаар салбарын сайдад нь санаачлагчдад анхааруулсан байна. Түлш эрчим хүчний сайд Д.Зоригт хариулахдаа “Шүүмжлээд буй асуудлууд дээр хийгдэж буй ажлууд бий, судалгааны ажлын төвшинд явж байгаа” гэв.