УИХ-ын гишүүн Ц.Шинэбаярыг Авлигатай тэмцэх газарт шалгаж байгаа гэсэн мэдээлэл хэвлэлүүдэд гарсан.  МАН-ын эсрэг дуугарч байгаа түүнийг тус намын захиалгаар  шалгаж байгаа гэсэн хардлага ч байгаа билээ. Тиймээс бид УИХ-ын гишүүн Ц.Шинэбаярыг Авлигатай тэмцэх газарт үнэхээр шалгаж байна уу гэдгийг албаны эх сурвалжаас тодрууллаа.

Авлигатай тэмцэх газрын Хэвлэл мэдээллийн ажилтан Ц.Эрдэнэцэцэгээс дараах асуултад хариулт авлаа.

-УИХ-ын гишүүн Ц.Шинэбаярыг Авлигатай тэмцэх газарт шалгаж эхэллээ гэсэн мэдээлэл байна. Түүнийг Авлигатай тэмцэх газарт шалгаж байгаа юу. УИХ-ын гишүүн болохоосоо өмнө эрхэлж байсан бизнесийн үйл ажиллагаатай нь холбогдуулан  Авлигатай тэмцэх газарт мэдээлэл очсон гэж зарим хэвлэлээр мэдээлсэн байсан?
-Авлигатай тэмцэх газарт УИХ-ын гишүүн Ц.Шинэбаярыг шалгаагүй. Шалгуулахыг хүссэн өргөдөл болон мэдээлэл ирээгүй.