Оскарын шагналт жүжигчин Риз Уизерспун өчигдөр Холливуудын өргөн чөлөөнд өөрийн нэр бүхий алдрын одтой боллоо. Тэрбээр 2006 онд "Walk the Line" киноныхоо дүрээр Академийн авардсын шилдэг эмэгтэй жүжигчин шагналыг хүртсэн ба олон гайхалтай кинонд дүр бүтээсэн юм. Түүний од уг өргөн чөлөөн дэх 2425 дахь од болж байгаа аж.

Өдгөө 34 настай Риз Уизерспун анх 1990 онд кино ертөнцөд хөл тавьж байсан бөгөөд нийтдээ 30 гаруй кинонд гол дүр бүтээгээд байгаа аж. Мөн хүүхэлдэйн нэлээд хэдэн кинонд дуу оруулсан юм. Түүний хамгийн сүүлд тоглосон "How Do You Know" нэртэй кино нь энэ сарын 17-нд нээлтээ хийх юм. Энэхүү романтик инээдмийн кинонд Риз Уизерспун гурван залууг дурлуулсан софтболын тамирчин бүсгүйн дүрийг бүтээжээ.