Microsoft-ын Xbox тоглоомын консолд зориулсан хөдөлгөөн удирдах Kinect систем асар богино хугацаанд 2,5 сая хувь борлогдсон тухай Microsoft мэдээлжээ. Гарны оролцоогүйгээр консолыг удирдах энэхүү шинэ систем сар хүрэхгүй хугацааны өмнө худалдаанд гарсан юм. Зул сарын баяр дөхсөн эдгээр өдрүүдэд Kinect-ийн борлуулалт улам ч өсөх хандлагатай байгаа ба ингэснээр оны сүүлч гэхэд таван сая хувь борлогдоно хэмээн тус корпораци тооцоолж байгаа ажээ. Гэхдээ зах зээлд Sony PlayStation-ы цоо шинэ Move систем гол өрсөлдөгч болж байгаа юм.