Улсын дуурь бүжгийн эрдмийн театрын энэ сарын үзвэрийн хуваарьт өөрчлөлт орсон байна. Театрт энэ сарын 5-нд буюу ирэх ням гаригт П.И.Чайковскийн “Хунт нуур” балетыг тайзнаа дахин тоглох гэж байна. Гурван бүлэг дөрвөн үзэгдэл бүхий тус балетыг анх 1877 оны хоёрдугаар сарын 20-нд Москвагийн Их театрт тогложээ. Харин манай Дуурь бүжгийн эрдмийн театрын тайзнаа 1975 оны зургадугаар сарын 28-нд амилуулсан байна.

Ирэх ням гаригт тоглох П.И.Чайковскийн “Хунт нуур” балетын симфони найрал хөгжмийг удирдаач, урлагийн гавьяат зүтгэлтэн Ж.Бүрэнбэх удирдах аж. Харин Одетта болон Оделлия Б.Саруул, Ротбартад Х.Мөнгөнхөлөг бүжих юм байна.