Өвөрхангай аймагт “Нийгмийн эрүүл мэндийн тусламж үйлчилгээнд олон нийтийн оролцоог нэмэгдүүлэх нь” нээлттэй зөвлөлгөөнийг зохион байгуулан нийгмийн эрүүл мэндийн тусламж үйлчилгээний чанар, хүртээмжийг сайжруулах жилийн хүрээнд зохион байгуулсан хоёр сарын аяны дүнг хэлэлцэн, хаалтын үйл ажиллагаа өнөөдөр болов.

Орон нутгийн телевиз, FM радио, “Таны элч” сонинтой хамтран  эрүүл мэндийн газраас зохион байгуулсан үйл ажиллагааны мэдээллийг иргэдэд хүргэх төлөвлөгөөний дагуу Сэтгэцийн эрүүл мэндээ хамгаалах, Хавдраас сэргийлэх зөвөлгөө, Чихрийн шижин өвчнөөс сэргийлэх зөвөлгөө, Орчноос хүний эрүүл мэндэд сөргөөр нөлөөлөх хүчин зүйлс мэдээлэл, ярилцлага, Арьсны халдвар харшлаас сэргийлэх зөвөлгөө зэрэг нэвтрүүлэг, мэдээллийг хийж иргэдэд хүргэв.   “Төр ба хувийн хэвшлийн түншлэлийг хөгжүүлэхэд хувийн хэвшлийн эмнэлгийн байгууллагуудын оролцоог сайжруулъя” аймгийн анхдугаар зөвлөгөөнийг зохион байгууллаа.

ЭМЯ-ны Мэдээлэл, хяналт шинжилгээ, үнэлгээний газар, Цус сэлбэлт судлалын үндэсний төвтэй хамтран БОЭТ, зарим сумын эмнэлгүүдийн цус, цусан бүтээгдэхүүний хангамж, аюулгүй байдалд үнэлгээ хийв.