Дэлхийн хамгийн үнэтэй супер моделуудын нэг, нэрт загвар өмсөгч Кейт Мосс өнгөрсөн баасан гаригт Английн Лондон хотноо өөрийн нэрийн сүрчгээ танилцууллаа. “Vintage Muse” нэртэй энэхүү шинэхэн үнэртэн 15, 30, 50 мл-ийн савалгаатай ба тус нэрийн бие арчилгааны бүтээгдэхүүн ч бас хамт худалдаанд гарч байгаа аж.

Өдгөө 36 настай Кейт зөвхөн загварын тайзнаа алхахаа больж, өөрийн нэрийн брэндтоэй болж, олон гайхалтай загваруудыг худалдаанд гаргаад байгаа юм. Түүний загварын хувцасуудыг Америкийн томоохон дэлгүүрүүдийн нэг “Topshop” худалдаалдаг ба 2010 оны намар өвлийн шинэ коллекц нь худалдаанд гараад байгаа юм.

Түүний энэхүү шинэ коллекцод олон янзын гоёмсог болоод энгийн загвартай эмэгтэй цамц, даашинз, түрийвч мөн эрэгтэй төрөл бүрийн загварын хувцаснууд багтсан аж.

Үнийн хувьд дунджаар 18-28 ам.доллар.