Монгол Улсын Засгийн газраас баталсан “Чацаргана” хөтөлбөрийн хүрээнд чацаргана тариалах сургалтыг Хүнс, хөдөө аж ахуй, хөнгөн үйлдвэрийн яам, Монголын Чацаргана тариалагч, үйлдвэрлэгчдийн үндэсний холбоо, МҮХАҮТ-аас хамтран зохион байгуулжээ. Сургалтыг Улаанбаатар, Улиастай, Хархорин гэсэн гурван бүсэд зохион байгуулж  11 аймгийн 312  иргэд, аж ахуйн нэгжийг хамруулсан байна. Сургалтыг танхимын болон талбайн гэсэн хоёр үе шаттай явуулсан байна. Хичээлийг доктор Ц.Алимдарьяа, Ш.Батсүх, Б.Балган, Ө.Жүүпэрэлмаа, Г.Чимид-Очир, П.Одонмажиг, Ц.Цэндээхүү нар удирджээ.