Өчигдрөөс төвийн нутгаар орсон цасан болон шороон шуурга өнөөдөр зүүн зүгийн нутгаар үргэлжилж байна. Тухайлбал, Хэнтий, Дорнод, Сүхбаатарын ихэнх нутгаар, Өмнөговь аймгийн зүүн өмнөд хэсгээр салхины хүч зарим үед 17-18 метр секунд хүрч, ширүүсэх төлөвтэй байна гэж Ус цаг, уурын хүрээлэнгээс анхааруулж байна. Орон нутагт цаг агаар ямар байгаа талаар Дорнод аймгийн Ус цаг, уурын орчны газрын мэргэжилтнээс тодруулахад “Өглөөний 05:00 цагийн үеэс цас орж эхэлсэн. Салхины хүч зарим тохиолдолд 15-17 метр секунд хүрч байна. Одоогийн байдлаар аймгийн хэмжээнд цас үргэлжилэн орж, цасан шуурга шуурч байна. Цасан болон шороон шуурга намдах ч дөрөвдүгээр сарын 4-15-ныг хүртэлх хугацаанд  өдөртөө 4-8 хэм, шөнөдөө 15-20 хэм хүртэл хүйтрэх төлөвтэй байна” гэлээ.

Д,Долгор