УИХ-ын дарга Д.Дэмбэрэл Монгол Улсын Ерөнхий сайд С.Батболдод албан бичиг илгээгээд байна. Монгол Улсын
2011 оны нэгдсэн төсвийн төслийг
хэлэлцэн батлах үед сэтгэл гаргаж ажиллаагүй Засгийн газрын гишүүдийн талаар уг бичигт мэдээлжээ. Сангийн
сайд С.Баярцогт, Эрдэс баялаг, эрчим хүчний сайд Д.Зоригт нарыг нэр цохон тэнд
шүүмжилсэн байна.

Тухайлбал, Сангийн сайд С.Баярцогт УИХ-ын чуулганы арваннэгдгээр
сарын 18-ны өдрийн хуралдаанаар төсвийн төсөл хэлэлцэх үед
бүтэн цаг илүү
хугацаанд дуудуулж чирэгдүүлж байж иржээ. Төсвийн хэлэлцүүлгийн ид үед
ийнхүү хуралдаанаас хоцорсноо
Сангийн сайд “Цас орж халтиргаа гулгаа үүссэнийг тооцоололгүй яамнаасаа цаг тулгаж гарснаас боллоо” хэмээн тайлбарласан байна.
Хэрэг дээрээ Сангийн яамнаас Төрийн ордон хүртэл
явган алхахад таван минутын зайтай. Гэтэл түгжрэлд орсон сайдын машин цаг илү гацсан гэдгээ УИХ-ын даргад шалтгаан
болгон хэлжээ.

Мөн Эрдэс баялаг, эрчим хүчний сайд Д.Зоригт төсөвт холбогдох материал хүссэн эрхэм гишүүн Ц.Батбаярт мэдээлэл өгөхөөс цааргалсан аж.  Ц.Батбаяр гишүүн Оюутолгойн асуудлаар ажлын хэсэг ахалж
байгаа бөгөөд сайдаас мэдээлэл, материал авах эрхтэй
ажээ. Ийнхүү улсын төсвийн төсөл хэлэлцэх ажилд садаа учруулсан сайд
нарын асуудлаар УИХ-ын даргын зүгээс Ерөнхий
сайдад хандаад байна.

Д.ОЮУН