Жендэрийн тэгш байдлын Үндэсний хорооноос улс орны хөгжил дэвшил, нийгэм, эдийн засгийн хөгжилд эмэгтэйчүүдийн эрх тэгш оролцох бололцоог хангаж, нийгмийн баялгаас тэгш хүртэх боломжийг бий болгох “Орон нутгийн манлайлагч эмэгтэйчүүдийг чадавхжуулах нь” сэдэвт Баруун бүсийн сургалтыг энэ сарын 28-29-нд Ховд аймагт зохион байгууллаа.

Уг сургалтыг НҮБХХ-ийн “Сонгуулийн тогтолцоогоор дамжуулж оролцоо, төлөөллийг нэмэгдүүлэх нь төсөл”-ийн дэмжлэгтэйгээр зохион байгуулсан бөгөөд сургалтанд УИХ-д суудалтай улс төрийн намуудын дэргэдэх эмэгтэйчүүдийн байгууллагууд болох Нийгмийн Ардчилал-Монголын эмэгтэйчүүдийн холбоо, Ардчилсан эмэгтэйчүүдийн холбоо, Иргэний зориг эмэгтэйчүүдийн холбооны Ховд, Баян-Өлгий, Увс аймгуудийн 30 төлөөлөгчид оролцов.

Тус сургалт нь орон нутгийн эмэгтэйчүүдийн нийгэм, эдийн засгийн оролцоог нэмэгдүүлэх, тэдгээрийг идэвхжүүлэх, хамтын ажиллагааг нь өрнүүлэх хүрээнд хийгдэх эхний бүсчилсэн сургалт болсноороо онцлог байв.