Тэнгэрийг тольдуулж, тэнгис далайг бэлгэдэх “Blue sky” | News.MN

Тэнгэрийг тольдуулж, тэнгис далайг бэлгэдэх “Blue sky”

Хуучирсан мэдээ: 2010.11.30-нд нийтлэгдсэн

Тэнгэрийг тольдуулж, тэнгис далайг бэлгэдэх “Blue sky”

Монгол зон сүр сүлд, сүрлэг бадрангуйг эрхэмлэж ирсэн омогшилт түмэн. Тэнгэрт тулж, газарт жийсэн хүчит баатруудын туульсаас өвөг дээдсийнхээ хүслийг олж үзэж болмоор. Үеийн үед хэлцэгдсэн Үйзэн алдар хааны хөвгүүн үргэлжийн 25 наст Жангарын үлгэрт, архай дархай баатрууд нь түүнд алтан байшин барьж өгсөн тухай уран яруу өгүүлдэг. Зовлонгоо туулж дуусаад, зон олноо амаржуулж, домог болоод сууж бүхүй цагт шарын зургаан мянган арван хоёр баатар нь шажигнан хэлэлцээд, эзэн богд Жангартаа энэ нарны доор үгүй эрдэнийн байшин барихаар тохиролцож байдаг. Хаана, хэрхэн барихаа тогтсоны хойно хэмжээ хийцийг нь хэлэлцэв. “Огторгуйд хүргээд барихлаар овор дориун боловч эзэн Богд Жангарт эгээ сайнгүй байна. Өөрийнх нь хийморь залийг өргөө нь булаалдаж болзошгүй…” гэлцэн “Тэнгэр огторгуйн тэнд тэнцүүлэлгүй гурван хуруу гуцааж баривал Жангар, өргөө хоёрын заяа зохирно…” гэцгээсэн гэдэг. “Тэнгэрт тултал” хэмээх үзэл санаа сүр сүрлэгийн илэрхийлэл дундаа өндөр дээдийн хэмжээ юм. Жангарын байшинг огторгуйд ердөө гуравхан хуруу дутааж барьсны учир нь Жангар өөрөө огторгуйд тулам хийморьтойнх. Хийморь золбоогоо “тэнгэр тулгаж” явахыг настнууд сургамжилдгийн цаад учир ийм.
Тэнгэр тийш тэмүүлсэн барилга барьж нийслэлийнхээ өнгө хийгээд сүрлэгийг нэмэхийн хүсэл “Чоно групп”-ийнхний олон жилийн эрмэлзэл. Тийм ч учраас хотын төв талбайн өмнөд этгээдэд барьж эхэлсэн “Blue sky” цогцолбороо 105 метр цоройлгон, улсынхаа түүхэнд хамгийн өндөр болгохоор тэмүүлжээ. Хамгийн өндөр барилгад, хамгийн гоё үзэмжийг шингээх нь зүйн хэрэг байв. Тэгээд гадаад, дотоодын олон архитеторчдоос санал авчээ. Тэр бүхнийг яг л Жангарын баатрууд шиг хэлэлцсэний эцэст “уудам, өргөн, гүн, арвин”-ы илэрхийлэл болох далайн бэлгэдлийг агуулж, “хязгааргүй, мөнх, дээд, эгнэшгүй”-г тэнгэрээр нэрийдэв. Ингэж тун удахгүй эхний ээлжийн хэсгүүд нь ашиглалтад орох “Blue sky” цогцолборын ажил 2006 оны долдугаар сард эхэлжээ.
Өндөр, сүрлэгийг бүтээхэд барилгын хамгийн чанартай материал, технологийн шилдэг шийдлүүдийг ашиглахаас өөр арга үгүй. Дэлхийн өндөр барилгуудад ашиглагдаж байгаа технологи болон барилгын материалуудыг судалсны үндсэн дээр SRC, RС хэмээх  ган карказ болон төмөр бетонон угсралт хослуулах аргыг сонгожээ. Өдгөө “дэлхийн дээвэр” гэгдсэн өндөр барилгуудыг барихад ашиглагддаг хамгийн сонгомол технологи болох аргад стандартад нийцсэн, галд тэсвэртэй ган төмөр хэрэглэв. “Хамгийн хамгийн”-ыхаа хэрээр энэ цогцолбор “сайн, шийдэл, чанартай”-н үлгэр дууриал болох учиртай гэж “Чоно групп”-ийнхэн анхнаасаа тооцож ажилласан юм.
Цогцолборт гүнээ шингээсэн далбаат хөлөг онгоцны хэлбэр билэгдэл оршоож сэтгэдэг монгол хүмүүсийн сэтгэлд ихэд нийцэж буйг энгийн олон илэрхийлж буй. Далбаат хөлөг онгоц гүн цэнхэрээр өнгөжин мөнх хөх тэнгэрийг тольдон тусгах шилэн фасадандаа огторгуйг хэлбэржүүлэн цогцолж буй. Дотоод тохижилтдоо эрт хийгээд ирээдүй, уламжлал ба шинэчлэлт, үндэсний болоод олон улсын онцлогийг нэгэн дор цогцлоохыг зорьжээ. Тухайлбал, үүдний танхимыг Монгол гэрийн баганыг санагдуулам хос баганатайгаар шийджээ.
Барилгыг галаас хамгаалах Excoat CF систем,  агааржуулалтын халаах, хөргөх төхөөрөмж суурилуулсан аж. Бүхий л технологийг Монголд анх удаа хэрэглэж байгаагаараа онцлог.
“Blue sky”-гийн ганжуулан шилэн фасадыг АНУ-ын барилгын материал туршилтын холбооны гишүүн байгууллага “Architectural Testing Asia” компани хагачиж, хэмхлэх гэж үзжээ. Салхины даралт болон цохилт, агаар нэвтрэлт, дулаан алдалт зэргийг нь нарийвчлан хэмжихэд уг шил 35 м/сек хурдтай салхины цохилтыг өлхөн тэсвэрлэж байжээ. Ойлгомжтойгоор тайлбарлавал, энэ салхи ганцхан секундэд 35 метр шуурч буй хүчтэй шуурга гэж хэлж болно. Манай улс хуурай, ширүүн уур амьсгалтай гэдэг ч жилийн дундаж салхины хурд тал  хээр, говь цөлийн бүс нутагтаа 4-6 м/сек, Алтай, Хангай, Хөвсгөл, Хэнтийн уулсынхаа хөндийд 1-2 м/сек, бусад нутгаараа 2-3 м/с орчим байдаг. Үндсэндээ Монголын салхи дунджаар 4,0 м/сек хурдалдаг. Тэгэхээр “Blue sky”-гийн шилэн фасад манай орны уур амьсгалд тохирно гэсэн олон улсын шинжээчдийн дүгнэлт зүй ёсных байлаа.
Энэ аварга цогцолборт ашиглаж байгаа барилгын материалууд ямар чанар, стандарт хангаж буйг илэрхийлэхийн тулд фасадны шилээр жишээ авлаа. Өөр олон олон шинэ технологийг энэ барилгад цоо шинээр нэвтрүүлснээрээ “Чоно групп-ийнхэн эх орныхоо барилгын материалын хэрэглээний жишгийг “дэлхийн” гэгддэг түвшинд аваачиж байна. Тэмүүлхийн, зорин хүрэхийн, өрнөн хөдлөхийн, хөгжихийн бэлгэдэл болж буй “Blue sky”-ийн дээд давхраас тэнгэрт түгсэн одод бариад авмаар ойрхон харагддаг юм билээ. Яг л “огторгуйгаас гурван хуруу дутуу” мэт.

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2010-11-30 203.160.53.2

goy barilga shuu hurdan ashigltand oroosoi

Avatar

like 2010-11-30 203.160.53.2

hey nice baishin bna shan ch bichjee MOngol tumen minee saihan yuimaaraa saihan baharhaj surii l da

Avatar

hh 2010-11-30 202.170.94.59

Hujaa ruu Mongolchuudiig bohiij bai gej barisan barilgiig ni haraad hoorood baih yumaa yadaj oros ruu harsan bol yamai

Avatar

Зочин 2010-11-30 202.126.92.6

goe selem shig

Avatar

БИАС 2010-11-30 202.5.196.192

Маш муу шийдэл бүдүүлэг болхи барилга 15-20 жилийн насжилтаас дээш гарахгүй болов уу Тун удахгүй нурааж суурин дээр нь өөр сайн загвартай байр босгох нь ойлгомжтой

Avatar

Зочин 2010-11-30 202.131.233.242

Энэ барилгийн тухай сүүлийн үед бараг сэтгүүлч болгон бичиж байх шив дэ Ямар нэгэн зүйл нь буруу болчихоод нөгөө худлыг мянга давтвал үнэн болдог гэдэг шиг зүйл хийгээд байгаа юм болов уу

Avatar

www.terguun.net 2010-11-30 203.169.52.35

Агуу Монгол секс бүсгүй

Avatar

Зочин 2010-11-30 202.70.36.99

za bitgii hudlaa h***

NewsMN Гар утасны хувилбар Татах
NEWS.mn

Мэдээллийн эх сурвалж