Баянзүрх  дүүргийн  14 дүгээр хороо Консулын 20 дугаар гудамжны хажууханд дулааны шугамын худагт  хүн нас баржээ.  Уг хэргийн тухай мэдээлэл Шуурхай бүлэг 105-д өчигдөр  20:41 цагт иргэдээс ирсэн байна.  Мэдээллийн дагуу Аврах эрэн хайх нэгдүгээр бүлгийг очиход 35-40 орчим насны эмэгтэйн цогцсыг нь гаргаж тус дүүргийн Цагдаагийн байгууллагад шилжүүлэн өгчээ. Мөн 35 настай эмэгтэй Т, 45 настай эрэгтэй М нар биедээ бэртэл авсан байсныг эмнэлгийн анхны тусламж үзүүлэн Яаралтай түргэн тусламжийн төвд хүлээлгэн өгсөн байна. Дулааны шугаманд амь насаа алдсан болон бэртсэн иргэд нь орон гэргүй хүмүүс  байсан аж. Одоо дүүргийн цагдаагийн хэсгийнхэн хэргийн шалтгааныг шалгаж байна.

П.Наран