Өрөөний гэрэлтүүлэг нь чухал асуудл ын нэг. Зөв гэрэлтүүлэг нь нүдийг хамгаалж, тав тухыг бий болгодог. Хангалтгүй, хэт бүдэг гэрэл нь харааг ядрааж цочрол үүсгэнэ. Танд зөвлөхөд:
– Өрөө бүр, булан бүрт зориулалтын гэрэлтүүлэг байх нь гэр оронд тохилог байдлыг бүрдүүлдэг
– Гол том өрөөнд таазны гэрлээс гадна диван ширээний дэргэд ч юмуу босоо абажур, люстр байвал тохиромжтой.
– Ном унших, юм оёх, зурагт үзэхэд гэрэлтүүлэг нь тохирсон байх хэрэгтэй. Нүдийг чилээхгүй байхад ханын хэт хурц бус гэрэл тустай.
– Ажлын болон амралтын өрөөнд уртавтар, дүүжин ханын гэрэлтүүлэг байж болно
– Унтлагын өрөөнд ерөнхий гэрэлтүүлгээс гадна орны дэргэдэх шүүгээн дээр ширээний чийдэн байвал тохирно.
– Хүүхдийн өрөөнд ерөнхий гэрэлтүүлгээс гадна ханын эсвэл ширээний чийдэн байх нь хичээл хийхэд тохиромжтой. Ер нь хүүхдийн өрөөний гэрлийн утас далд байвал зүгээр.
– Гал тогооны өрөөнд, хоолны ширээний эгц дээр урт, дүүжин гэрэлтүүлэг байх нь эвтэйхэн,
– Коридорт буюу хонгилын гэрэлтүүлэг илүү тод байхдаа зүгээр. Хэрэв тольтой бол дээр нь жижиг ламп байж болно. Хүмүүс хувцсаа тайлах, өмсөх, толинд харахад гэрэлтүүлэг сайтай байх нь тохирно.
– Угаалгын өрөөнд өдрийн гэрэл байж болно. Харин гал тогооны өрөөнд өдрийн гэрэл байх нь тохиромжтой бус. Энэ нь хүнсний бүтээгдэхүүний өнгийг бүдэгрүүлж, хооллох дуршлыг бууруулахад нөлөөлдөг.