Н.Мөнх-Оргилын өмгөөлөгч шүүх хуралд оролцоно гэв | News.MN

Н.Мөнх-Оргилын өмгөөлөгч шүүх хуралд оролцоно гэв

Хуучирсан мэдээ: 2010.11.30-нд нийтлэгдсэн

Н.Мөнх-Оргилын өмгөөлөгч шүүх хуралд оролцоно гэв

Хөвсгөл аймагт найман настай охиныг өнгөрсөн дөрөвдүгээр сард  онц хэрцгийгээр хөнөөсөн хэрэгт Н.Мөнх-Оргилыг яллагдагчаар татан Улсын мөрдөн байцаах газраас шалгаж, хөдлөшгүй баримтаар нотолсон гэх мэдээлэл бий. Түүнд холбогдох  Эрүүгийн хуулийн 91.2,125.2, 126.3-аар зүйлчилсэн  өнгөрсөн арваннэгдүгээр сарын 17-ны өдөр Чингэлтэй дүүргийн шүүхэд хэлэлцэхээр товлосон ч шүүгдчийн  өмгөөлөгч Р.Насанжаргал Дархан-Уул аймагт  давж заалдах шатны шүүх хуралд оролцохоор явсан гэх үндэслэлээр хойшилсон байна. Мөн яллагдагч Н.Мөнх-Оргил нь  өмгөөлөгч Э.Ганбатыг  өөрийн өмгөөлөгчөөр нэмж авч оролцуулах хүсэлт гаргасан тул өмгөөлөгчид хэргийн материалтай танилцах хугацаа олгох зэрэг хүндэтгэн үзэх шалтгаан байгаа гэж үзэн шүүх хуралдааныг маргааш хүртэл хойшлуулсан юм. Н.Мөнх-Оргилын өмгөөлөгчөөр ажиллаж буй Р.Насанжаргалаас зарим зүйлийг тодрууллаа.

-Н.Мөнх-Оргилд холбогдох шүүх хурал  ирц бүрдээгүй гэх шалтгаанаар хойшилсон. Та яагаад шүүх хуралд ирээгүй юм бэ?

-Шүүх хурал болох өдөр би Дархан-Уул аймагт ажлаар явж байсан ирж амжаагүй. Тэнд өөр хурал давхацсан юм.

-Дараагийн шүүх хурал нөгөөдөр /маргааш/ болно. Шүүх хурал  дахин хойшлохгүй биз дээ?

-Миний хувьд шүүх хуралд оролцоно. Тиймээс хойшлохгүй байх гэж бодож байна.

-Таныг санаатай шүүх  хурал хойшлуулсан гэх юм?

-Тийм зүйл байхгүй.  Би албан ажлаар өөр газарт явж байсан шүү дээ. Ямар үндэслэлээр санаатай гэж  байгааг мэдэхгүй.

-Н.Мөнх-Оргил өөрийгөө гэм буруугүй гэж байгаа. Харин мөрдөн байцаалтын явцад хэрэг үйлдсэнийг нь нотлох хангалттай нотолгоо цуглуулсан гэж байсан. Өмгөөлөгчийн хувьд юу хэлэх вэ?

-Хэрэг шийдэгдээгүй байхад энэ талаар ярих боломжгүй байна. Шүүх хурал ч хаалттай болно. Анхан шатны шүүх хурлын шийдвэр гарсны дараа хуулийн хүрээнд  мэдээлэл өгч болох юм.

С.Отгон

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2010-11-30 182.160.24.134

Энэ хүн үнэхээр үйлдээгүй байвал яах юм бэ
Манайхан хэргийг хурдан шийдэхийн тулд нэг хүнийг золиосолсон байхыг үгүйсгэхгүй шүү Нэг биш баримтаар нотлох хэрэгтэй шүү Энэ хүн гэмт хэрэгтэн нь нотлогдоогүй байхад хүчээр хэрэг хүлээлгэх зэргээр хүний эрх зөрчдөг асуудлыг зогсоох хэрэгтэй шүү Мөрдөн байцаагч цагдаа нар хүн ямар нэг байдлаар гэмт хэрэгт сэжиглэгдэж байвал үнэхээр тамлаад хаядаг байдлаа хэзээ зогсоох вэ

Avatar

Иргэн 2010-11-30 202.70.34.10

Хүн гэж хэлэхийн аргагүй бузар амьтан

Avatar

zochin 2010-11-30 69.234.186.168

uneheer uzen yadaj bna heleh muu ug ch oldohgui bna

Avatar

Зочин 2010-11-30 202.131.247.23

Бага насны олон хохирогч байгаа тул хаалттай болж байгаа юмдаа хө Жаахан толгойгоо цэнэглэ

Avatar

zochin 2010-11-30 76.204.28.63

Yagaad haalttai boldog yum be Harin ch neelttei baimaar yum

Avatar

www.terguun.net 2010-11-30 203.169.52.35

Азийн топ порно киногоо үзээрэй

NewsMN Гар утасны хувилбар Татах
NEWS.mn

Мэдээллийн эх сурвалж