Өнгөт арьстай халуухан бүсгүйчүүдийн нэг Николь Шерзингерийг загварын ертөнцийнхөн хамгийн дэгжин хэмээн тодотгодог. Тиймдээ ч түүнийг паппарацынхан “онилох” дуртай. Харин тэр стильдээ хэр их мөнгө зарцуулдаг бол? Энэ удаад мөнгөлөг богино даашинз, хар өнгийн бүсээр гоёсон Николийг сонжьё. Холливудынхан гэхээр брэндийн үнэтэй хувцсаар гоёж, тансаг амьдралд умбадаг гэх ойлголтыг тэр энэ удаад няцаалаа. Гоёмсог хөлөө гаргасан богино даашинз нь гэхэд л 49 доллар, дээр нь 44,95 долларын үнэтэй хар бүс бүсэлжээ. Даруухан атлаа нууцлаг харагдуулах аксесуар нь 10,6 долларын үнэтэй гээд бодохоор тэр ердөө л 98,55 ам.доллаар дэгжин төрхийг бий болгожээ. Тэгэхээр брэнд хөөхгүйгээр дэгжин харагдаж болдогийг Америкийн супер од Николийн хувцаслалт харуулж байна.Сонирхуулахад “Pussycat Dolls” хамтлагийн дуучин Николь тун удахгүй Монголд ирэх юм. Тэд ирэх арванхоёрдугаар сард болох “Cosmopolitan” сэтгүүлийн нээлтийн party-д оролцохоор ирж байгаа юм.
