Саудын Арабын хаан Абдулла АНУ-ыг Ираны цөмийн хөтөлбөрийн эсрэг дайралт хий гэж удаа дараа ятгаж байсан байна. Ням гаригт АНУ-ын төрийн гол байгууллагуудын нууц мэдээллүүд цацагдсан билээ.

Хэвлэл мэдээллийн таван байгууллагад 250 мянган нууц материалыг “WikiLeaks”-ээс явуулсан байна. Гэхдээ одоогоор энэ мэдээллийг авсан суваг илрээгүй байгаа аж.

Задарсан мэдээллээс харахад Саудын хаан АНУ-ын генерал Дэвид Петрауестай 2008 оны дөрөвдүгээр сард уулзахдаа “Могойны толгойг тасал” хэмээн хэлж байсан аж.

Ихэнх мэдээлэл 2007 оных ба түүнээс хойшхи гадаад бодлогын талаарх нууц мэдээллүүд байгаа юм байна.