Дү-дү машинаар уралдацгаав | News.MN

Дү-дү машинаар уралдацгаав

Хуучирсан мэдээ: 2010.11.29-нд нийтлэгдсэн

Дү-дү машинаар уралдацгаав

Дундговь аймгийн музей үзмэрийн танхимдаа янз бүрийн уралдаан тэмцээн, үзэсгэлэн зохион байгуулдгийн нэг нь саяхан болсон дү-дү машины уралдаан юм. Аймгийн дү-дү машины холбоотой хамтран хүүхэд багачуудын дунд насны ангиллаар, эрэгтэй, эмэгтэйгээр төрөлжүүлэн  зохион байгуулсан уралдаанд 50 гаруй хүүхэд оролцлоо.

Гурван хос замаар нэгэн зэрэг гаран жирийтэл хурдлах бяцхан машинууд эзнийхээ техник сэтгэлгээ, ур, ухааны уралдаан болдог.

5-10 нсны эрэгтэйчүүдээс “Говийн ирээдүй” цогцолбор сургуулийн н.Лхагвадорж, эмэгтэйчүүдээс Сайнцагаан сцмын гуравдугаар цэцэрлэгийн н.Намуунбайгалийн дү-дү машин түрүүлсэн бол  11-16 насныхны уралдааныг “Эрдмийн далай” цогцолбор сургуулийн сурагч н.Нямдорж, “Говийн ирээдүй” цогцолборын н.Нансалмаа нар тэргүүлж, шагналын эзэд болцгоов.  Дү-дү машины уралдаан нь хүүхэд багачуудын техник болон уран сэтгэмжийг сорьдог, ирээдүйн зохион бүтээх авьяасыг багаас нь хөгжүүлж байгааг энэ удаагийн уралдаан харууллаа.

С.Пүрэвсүрэн

0 сэтгэгдэл

News.mn сайтад сэтгэгдэл оруулахад анхаарах зүйлс

NewsMN Гар утасны хувилбар Татах
NEWS.mn

Мэдээллийн эх сурвалж