Сэлэнгэ аймагт гарсан 11 удаагийн үйлдэлтэй  галдан шатаасан гэмт  хэрэгт холбогдуулж тус аймгийн дунд сургуулийн таван хүүхдийг сэжигтнээр шалгаж  эхэлсэн юм. Тэд Сэлэнгэ аймгийн Баруунбүрэн сум, Дархан-Уул аймгийн харьяат 1995-1997 онд төрсөн 13-15 насны хүүхдүүд юм байна. Тэд цагдаагийн байгууллагад өгсөн мэдүүлэгтээ адал явдалт киноноос санаа авсан гэжээ. Гэвч тэдний олонх нь хойд эцэг, эхийн дарамт шахалтад амьдардаг, эцэг эхийн хараа хяналт муу байсан нь гэмт хэрэг үйлдэхэд нөлөөлсөн байж болзошгүй гэж цагдаагийнхан таамаглаж байгаа аж. Таван хүүхдийн нэг  болох  13 настай Б-г батлан даалтад гаргаж байцаалт авч байгаа бол 14-өөс дээш насны дөрвөн хүүхдийг цагдан хорьж байгаа аж.