Ром хотноо эсэргүүцлийн жагсаал болов | News.MN

Ром хотноо эсэргүүцлийн жагсаал болов

Хуучирсан мэдээ: 2010.11.28-нд нийтлэгдсэн

Ром хотноо эсэргүүцлийн жагсаал болов

Өнгөрсөн бямба гаригт Ром хотноо Сильвио Берлусконийн Засгийн газрын эдийн засгийн бодлогыг эсэргүүцсэн бүх нийтийн жагсаал болон 200 мянга орчим хүн оролцсон байна.

Тэдний 110-120 мянган хүн нь Италийн бусад нутгаас Ромд иржээ. Эсэргүүцлийн ажиллагаанд хямралд нэрвэгдсэн үйлдвэрийн ажилчид, ажилгүйчүүд болон төрийн албаны ажилтнууд оролцсон байна. Жагсагчид хоёр цувааг зохион байгуулан Ромын төвийн Сан-Жованни талбайд орж ирсэн юм.

Эсэргүүцлийн ажиллагааны гол урианы нэг нь “Ирээдүй нь залуус болон хөдөлмөрт байх ёстой” гэсэн үг байлаа. Эсэргүүцлийн ажиллагааг Италийн бүх нийтийн хөдөлмөрийн холбоо (La Confederazione Generale Italiana del Lavoro, ВИКТ) үйлдвэрчний эвлэл зохион байгуулав.

Эх сурвалж: Лента.ру. Бэлтгэсэн: Ш.Мягмар

0 сэтгэгдэл

News.mn сайтад сэтгэгдэл оруулахад анхаарах зүйлс

NewsMN Гар утасны хувилбар Татах
NEWS.mn

Мэдээллийн эх сурвалж