“Алтан тариа”-н гурилын үнэ бага зэрэг буурчээ

Хуучирсан мэдээ: 2010.11.28-нд нийтлэгдсэн

“Алтан тариа”-н гурилын үнэ бага зэрэг буурчээ

Энэ сарын 25-ны байдлаар гурилын үнийг өмнөх сарын дундаж үнэтэй харьцуулахад “Алтан тариа” ХК-ий задгай дээд гурилын үнэ, савласан дээдийн дээд, нэгдүгээр зэргийн гурилын үнэ тус бүр 0.4 хувиар буурсан байна. Харин “Алтан тариа” ХК-ийн задгай нэгдүгээр зэргийн гурилын үнэ болон савласан нэгдүгээр зэрэг, хоёрдугаар зэргийн гурилын үнэ тус бүр 0.3 хувиар өссөн байна. Импортын орос дээд гурилын үнэ 2.3 хувь өсчээ. Харин орос 1-р зэргийн гурилын үнэ, хятад дээд гурилын үнэ тогтвортой байна. Аймгийн төвүүдийн хүнсний зах, дэлгүүрт хэрэглээ ихтэй нэдүгээр зэргийн гурилын үнэ 640-950 төгрөгийн хооронд худалдаалагдаж байна. Гурилын үнэ өмнөх долоо хоногийнхтой харьцуулахад Архангай, Өмнөговь аймагт 10-44 төгрөгөөр буурч, Дорноговь аймагт 10 төгрөгөөр өссөн байна. Булган, Дорнод аймагт нэгдүгээр зэргийн гурилын үнэ хямд буюу 640 төгрөг байхад Хэнтий аймагт 950 төгрөг байгаа нь өндөр үнэ байна.

М.Сура

NewsMN Гар утасны хувилбар Татах
NEWS.mn

Мэдээллийн эх сурвалж