![](https://news.mn/wp-content/archive1/yellow/photo/2010/11/2a5a57ee5b876e4e/2702259a0b0d616cbig.jpg)
Монголын загварын хүрээний чанар чансааг тодорхойлох ордон гэж болох “Торго” салоны 10 жилийн ой өчигдөр тохиож, загварынхан төдийгүй улс төр, урлаг соёлынхон “Мишээл экспо”-д десант буулгав. Хэвлэл мэдээллийнхэнд “Зурагчин оруулахгүй” гэсэн “тушаал” буулгасан “Торго”-ын шоунд олны танил эрхмүүд ёстой нэг шил шилээ даран зочилж байлаа. Мисс эхнэртэй “Макс”-ын Д.Ганбаатар Д.Уянгалянхуагаа дагуулан, торго дурдан гоёлоор нүд хужирласан шиг суусан бол хөгжмийн зохиолч Балхжав эхнэр Ариунаагийн хамт энэ үдшийн эрхэмсэг зочдын тоог нэмжээ. Эрхэм гишүүн З.Алтай, Л.Гантөмөр нар ч эхнэрүүдийнхээ хамт загварын шоунд зочилсон нь олны нүд хужирлаж байв. За тэгээд хийлч Дээгий, мисс Ч.Содтуяа гээд урлаг, соёлынхон бараг бүгдээрээ Улс тунхагласны баярын үдшийг “Мишээл Экспо”-д болсон торгоны шоун дээр өнгөрөөлөө.
А.Зул