Гүржийн төлөөлөгчид Лиссабоны НАТО-гийн саммитийн ажлынхаа үр дүнг тэмдэглээд Францын ерөнхийлөгч Николя Саркозид унтах боломж өгөөгүй тухай Португалийн  Correio da Manhг сонинд бичсэн байв. Сонинд өгүүлснээр гүржүүд биеэ үнэлэгч 80 эмэгтэй ба армяны төлөөлөгчдийг уриад буудалдаа шөнө дөл болтол наргижээ. Тэд эдгээр эмэгтэйчүүдийг өөрсдийн эхнэр ба төлөөлөгчид гэж байгаад буудалдаа оруулсан байв. Tiara гэх тансаг буудлын хамгаалагч нар тэр эмэгтэйчүүдийн дундаас наад зах нь нэг орон нутгийн биеэ үнэлэгчийг таньсан байв.

Тэр буудалд буусан Францын ерөнхийлөгч Николя Саркози үдэшлэгийн дуу чимээнд унтаж чадахгүй гомдол гаргаснаас буудлын захиргаа цагдаа нарыг дуудсанаар гүржүүдийн хүндрэлд эхлэн цагдаагийнхан протокол бүрдүүлж, наргианаа зогсоохыг шаарджээ.

Гүржид уг хэргийг оросуудын өдөөсөн хиймэл дуулиан гэж үзэж байна. «Новости-Грузия» гэх орос дээрх сайтад Гүржийн парламентын нэгдүгээр дэд дарга Михаил Мачавариани хэлэхдээ “энэ мэдээллийг The Morning Star гэдэг Британийн коммунист сонин анх тараасан. Өмнө нь уг сониныг КГБ санхүүжүүлдэг байсан болд түүнийг Кремль тэжээдэг” гэж мэдээлжээ.

Гүржийн парламентын сөрөг хүчний дэд дарга Леван Вепхвадзе уг хэрэгт мөрдөн шалгалт хийнэ гэсэн байв. Гүржийн сөрөг хүчнийхэн төлөөлөгчдийнхөө тансаглалд дургүйцэж байна.  InterPressNews мэдээлснээр төлөөлөгчдөд зориулан ерөнхийлөгчийн гэх таван люкс, хоёр дипломат люкс, ердийн люкс ангиллын 39 өрөөг  хөлслөн авсан байжээ. Ямар буудалд Гүржийн ерөнхийлөгч буудаллаж байсан нь тодорхойгүй.