Бразилийн Рио де Жанейро хотод үүрлэсэн хар тамхины бүлэглэлүүдтэй хийсэн тулааны үеэр 30 гаран хүн алагдсан гэж мэдээллийн агентлагууд мэдээлжээ. Бразилийн эрх баригчид цэрэг зэвсгийн ихээхэн хүч татан 450 гаран цэргийн албан хаагч болон цэргийн техник оролцуулсны хүчинд дээрэмчдийг буулган авсан бнйа. Өнгөрсөн долоо хоногоос эхэлсэн бослогын үеэрээ хар тамхины бүлэглэлийнхэн Рио де Жанейро хотод хаалт хориглолт босгон гал түймэр гаргаж цэргийнхний эсрэг зэвсэгт тэмцэл хийж байсан аж. Зуу гаран босогчдыг дарахын тулд тус хотын бараг бүх дүүргийг бүрэн тусгаарлаж байж үр дүнд хүрсэн гэж орон нутгийн хүчний байгууллагынхан ярьсан байна