АНУ-ын төрийн департаментаас Пакистаны буяны байгууллага болох “Falah-e-Insaniyat”-ыг цэрэг дайнтай холбоотой алан хядах байгууллагын хар дансанд бүртгэлтэй байгааг мэдэгдсэн байна.

“Falah-e-Insaniyat” бол “Lashkar-e-Taiba”-ын нууц нэр бөгөөд энэ нь гадаадын террорист байгууллагын дансанд аль хэдийн бүртгэгдсэн байжээ. Ингэж нэрээ өөрчилснөөр АНУ-ын зүгээс хийх хяналт шалгалтанд өртөхгүй байх нөхцөлийг бүрдүүлжээ.
“Falah-e-Insaniyat”-ын удирдагч Хафиз Абдур Рауф болон Маин Абдуллах, Мухамед Наушад Алам Хан нар нь олон улсын хүнд ноцтой террористууд юм.
Тиймээс АНУ “Lashkar-e-Taiba”-д ямар ч дэмжлэг үзүүлэхийг тэвчихгүй гэдгийг төрийн департаментын хэвлэлийн төлөөлөгч мэдэгдсэн байна.
Өнгөрсөн жил “Falah-e-Insaniyat” нь байгалийн гамшигт өртсөн хохирогчдод туслалцаа үзүүлэх нэрээр байгуулагдсан бөгөөд АНУ-ын төрийн департаментын мэдэгдэлд ямар нэг хариу мэдэгдэл өгөөгүй байна.
Түүнчлэн “JuD”-ыг “Lashkar-e-Taiba”-ын ар тал байх магадлалтай гэж үзсэн бөгөөд тус байгууллагыг 2008 онд Мумбайд болсон халдлагыг үйлдэж, 166 хүний аминд халдсан гэж буруутгаж байсан байна.
Б. Энхцэцэг