Австралийн уул уурхайн магнат Клайв Палмер зул сарын баярыг тохиолдуулан шилдэг ажилчдадаа сюрприз барьжээ. Таунсвиллийн цайрын үйлдвэрийн шилдэг ажилчдадаа зориулж, тэрбумтан бизнесмэн Mercedes-Benz маркийн 55 машин, мөн гадаадад аялах 700 урилга бэлэглэсэн байна. Гэхдээ машин болон аяллын урилгаас хоцорсон ажилчид гомдох зүйлгүй, учир нь хоёр сая ам.доллараар Зул сарын баярын үдэшлэг ажилчдадаа зориулж хийх тухай эрхэм Палмер ярьсан байна. Тэрбээр саяхан 10 сая ам.доллараар тус үйлдвэрийг худалдан авсан бөгөөд 200 сая ам.долларын орлого авчирсан үйлдвэрийн ажилчдаа баярлуулахыг хүссэн тухайгаа мөн ярьжээ.