Panasonic корпорацийн бүтээсэн Evolta нэртэй баттерейгаар ажилладаг бяцхан робот Японы нийслэл Токио хотоос Киото хүртэл 500 км урт замыг хоёр сарын хугацаанд туулж, анхны робот аяллын эзэн болжээ. Гурван дугуйт уг робот аяллын эцсийн зогсоол болох Киото хотод ширүүн бороо орж байх үеэр ирсэн байна. Аяллын туршид Evolta өдөрт нэг удаа амсхийж, баттерейгаа цэнэглүүлж байжээ.

Роботыг бүтээсэн инженер Томотака Такахаши өөрөө роботыг дагалдаж, хамт аялсан гэнэ. Энэ хугацаанд мэдээж нэг бус удаа бэрхшээл гарсан тухай тэр ярьсан байна.

40 см урт, 1 кг жинтэй тус робот нь гурван дугуйттай төстэй, тодруулбал, урд хэсэгт том хөтлөгч дугуйтай, хойд хэсэг дэх хоёр жижиг дугуйны голд баттерейг байрлуулсан аж. Робот аяллынхаа туршид явган хүний замаар явж, цагт 2-3 км хүртэл хурдалж байсан гэнэ.