Их Британийн эдийн зэсэг 2010 оны гуравдугаар улиралд 0,8 хувиар өссөн гэдгийг хамгийн сүүлийн үеийн Засгийн газрын мэдээлэл баталлаа. Тус улсын зүгээс өнгөрсөн сард өсөлтийг ийм хэмжээнд хүргэнэ гэж төлөвлөж байсан юм байна. Хоёрдугаар улиралд 1,2 хувиар буурсан үзүүлэлттэй байсантай харьцуулахад Их Британийн эдийн засаг сэргэж байгаа нь илт байна хэмээн эдийн засагчид мэдэгдлээ.

Гэхдээ төрийн болон хэрэглэгчдийн зарцуулалт буурсан байдалтай байгаа аж. Гуравдугаар улирлын хэмжээнд өрхийн зарцуулалт 0,3 хувиар буурсан гэж Үндэсний статистикийн газрын тайланд бичжээ. Тайлангаас харахад экспорт болон үйлчилгээний салбар 2,2 хувиар, импортын хэмжээ 0,7 хувиар өссөн байдалтай байна.

Жилийн хэмжээнд авч үзвэл өсөлт 2,8 хувьтай байгаа гэж ВВС мэдээлж байна.