Ким Чен Ун уу, Ким Ир Сен үү | News.MN

Ким Чен Ун уу, Ким Ир Сен үү

Хуучирсан мэдээ: 2010.11.25-нд нийтлэгдсэн

Ким Чен Ун уу, Ким Ир Сен үү

Цөмийн нууц байгууламж илчлэгдэж, Ёнпён арал руу их буугаар гал нээсэн хэргийн эзэн Умард Солонгосын дараагийн удирдагч хэ­мээн өргөмжлөгдөж байгаа Ким Чен Ирийн отгон хүү Ким Чен Ун олон улсын анхаарлын төвд ороод байна. БНАСАУ-ын эрх баригч Хөдөлмөрчдийн намын хурал энэ оны есдүгээр сарын сүүлчээр болсон. Энэ үеэр тус улсын шинэ удирдагчийг зар­лана гэх таамгийг олон улсын ажиглагчид дэвшүүлж байсан юм. Тодруулбал Ким Чен Ун эцгийнхээ суурийг авах магадлал өндөр байлаа. Гэхдээ Ким Чен Ир хүүгээ туршлага суулгахаар Хөдөлмөрчдийн намын төв хорооны гишүүнээр томилж, генерал цол олгож, Үндэсний бат­лан хамгаалах хорооны тэргүүн болгож, томоохон сэнтийд суулгав.  Шинэхэн томилгоо нь Ким Чен Уны хувьд их удирдагч болоход дөхсөн ээлжит алхам нь байлаа. Ким Чен Ун улс орныхоо удирдлагыг авахын тулд маш шаргуу бэлтгэж байгаа нь тодорхой. Тэрбээр мэдлэг туршлагаас гадна гадаад байдалдаа нэлээд анхаарал хандуулж байгаа бололтой. Ким Чен Ун БНАСАУ-ыг байгуулсан Ким Ир Сен буюу өвөөтэйгөө ижилсэх хоббитой гэж болно. Түүний хуучны гэрэл зураг маш ховор ч сүүлийн үед авахуулсан гэрэл зураг цөөнгүй бий. Гэрэл зурагт харьцуулалт хийсэн ажиглагчид Ким Чен Уныг Ким Ир Сентэй дэндүү адилхан болж байгааг онцолсон аж. Тэдний мэдээлснээр Ким Чен Ун нүүрэндээ хэд хэдэн удаа мэс засал хийлгэж өвөөтэйгөө тун адилхан болжээ. Мөн 30 ч хүрээгүй залуу хүн гэхэд өвөөтэйгөө ижил үсний засалтаар гангардаг нь түүний гэрэл зургуудаас тодорхой хараг­ддаг. Хурал чуулган, албан ту­шаалтнуудын цугларалт дээр Ким Чен Ун өвөөгийнхөө өмсдөг байсантай яг ижил ногоон хослол өмсдөг нь түүний Ким Ир Сентэй  ижилсэх “хобби”-тойг ба­талж байгаа юм.

Т.ОТГОНБАТБАЯР

Зохиогчийн эрх:
"Улс төрийн тойм" сонин

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2010-11-25 182.160.24.121

ХОТЫН ТӨВД БАЯНЗҮРХ ЗАХЫН УРД ТАЛД ШИНЭЭР БАРИГДСАН 79 М2 2 ӨРӨӨ БАЙРЫГ СОНИРХСОН ХҮМҮҮСТ ХАС БАНКНЫ 80 ХУВИЙН ЗЭЭЛД ХАМРУУЛЖ ХЯМД ЗАРНА

ХАРИЛЦАХ УТАС 99189208

Avatar

1 2010-11-25 202.131.227.35

yasan uudgui yum be baruunii uzliig barimtaldag hun garch irlee gej goridoj bsan yumsa huurhii hoid so-chuud

Avatar

Зочин 2010-11-25 182.160.63.158

ХОТЫН ТӨВД БАЯНЗҮРХ ЗАХЫН УРД ТАЛД ШИНЭЭР БАРИГДСАН 79 М2 2 ӨРӨӨ БАЙРЫГ СОНИРХСОН ХҮМҮҮСТ ХАС БАНКНЫ 80 ХУВИЙН ЗЭЭЛД ХАМРУУЛЖ ХЯМД ЗАРНА

ХАРИЛЦАХ УТАС 99189208

Avatar

Tugsuu 2010-11-25 182.160.25.21

unenuu

NewsMN Гар утасны хувилбар Татах
NEWS.mn

Мэдээллийн эх сурвалж