Компьютер үйлдвэрлэгч Acer компани смартфоны салбарт хүч сорихоор шийдэж, Android үйлдлийн системтэй төхөөрөмж үйлдвэрлэх тухайгаа мэдэгдлээ. Одоогоор нэр нь тодорхойгүй байгаа энэхүү смартфон 1024х480 нягтшилтай 4,8 инчийн дэлгэцтэй гэнэ. Асар том гэж болох дэлгэцтэй уг смартфон бүхэлдээ метал гадаргуутай байх ба арын хэсгийг хээлсэн байх ажээ. Үзүүлэлтийн тухайд 1GHz Snapdragon процессортой, 8,0 мегапиксель камертай, харин урд талын камер нь 2,0 мегапикселийнх байх юм.

Компанийн зүгээс уг бүтээлээ 100 хувь смартфон, бас 100 хувь таблет байх болно хэмээн мэдэгджээ. 2011 оны дөрөвдүгээр сард худалдаанд гарах Acer-ын смартфоны үнийн талаар одоохондоо мэдээлээгүй байна.

Бичлэгийг ЭНД дарж үзнэ үү