Боловсролын хамтын ажиллагааны нийгэмлэгийн “Алхам алхамаар” хөтөлбөрийн хүрээнд  “21-р зууны сурган хүмүүжүүлэгчийн цогц чадамж” уулзалт хэлэлцүүлэг Боловсрол соёл, шинжлэх ухааны яамны хурлын танхимд болж байна. Гурав хоног үргэлжлэх уг уулзалт хэлэлцүүлэгт Боловсролын яам, Улсын мэргэжилийн хяналтын газрын мэргэжилтэнгүүд, нийслэлийн болон аймгуудын Боловсролын газрын мэргэжилтэнгүүд оролцож  байна. Мөн олон улсын донор байгууллагуудын төлөөлөл оролцож, хамтран ажиллах боломжуудын талаар санал солилцох ба сургагч багшийн стандартын шинэчлэгдсэн хувилбар түүнийг анги танхимдаа чанартайгаар хэрэгжүүлэх арга зүй, туршлагаас суралцах аж.

Дашрамд дуулгахад, Боловсролын хамтын ажиллагааны нийгэмлэгийн сүлжээнд 400 гаруй дунд сургууль, 50 гаруй цэцэрлэг, багш бэлтгэдэг сургуулиуд, гадаад, дотоодын төрийн бус байгууллагууд, зөвлөх мэргэжилтэнүүд  болон сургагч багш нар хамтран Монгол улсынхаа боловсролын салбарын шинэчлэлд хувь нэмрээ оруулж байгаа аж.