– Улаанбаатарт цаг агаар хүндэрсэн учраас нислэг хойшилсон гэсэн тайлбарыг нислэгийн ажилтнууд өгсөн л дөө.  Хоёр Солонгосын буудалцаантай холбоотой нислэг хойшилсон байх гэсэн таамаг  зарим хүмүүс хэлж байна лээ.

– БНСУ-д болж буй үйл явдлын талаар та сонссон мэдээллээ  хуваалцаач?

-Солонгосын Нисэх онгоцы буудлаас өнөөдөр болсон үйл явдлын  талаар мэдээлэл авсан.  Тодорхой мэдээлэл одоогоор алга. Зорчигчид хоорондоо ярилцахыг сонсвол  Хойд Солонгос эхэлж гал нээсэн гэж ярьж байна лээ.

Уг нислэгээр өнөөдөр  Улаанбаатарт нэлээд олон зорчигчид ирсэн бөгөөд зарим эх сурвалжийн мэдээллээр Сөүлээс Улаанбаатар зорчих нислэгийн тасалбар дууссан эрэлт хэрэгцээ маш их байгаа аж.  Мөн монголчууд эх орондоо буцна гэх яриа ч нэлээд  гарсан гэнэ. Өнөөдөр  Сөүл-Улаанбаатарын чиглэлийн нислэгээр газардсан Солонгос Улсын иргэн Пак Чин нутагтаа  болж буй үйл явдлыг талаар  ийм мэдээлэл өгч байна.

-Танай нутагт өнөөдөр буудалцаан болсон. Байдал ямар байна вэ?

-Хойд Солонгосын тал  манай улс руу өдөөн хатгасан үйл явдал болж  байна. Одоогоор албаны хүмүүс  Хойд Солонгосын  манайх руу халдсан нь санаатай үйлдэл байсан уу гэдгийг тогтоохоор ажиллаж байна. Тус улс өнөөдөр 14 цагийн үед манай улсын нутаг дэвсгэр рүү халдсан гэсэн мэдээллийг бид хэвлэл мэдээллээр сонссон.

-Энгийн иргэд энэхүү үйлдлийг хэрхэн хүлээж авч байгаа бол?

-Халдлага гарсан нь олон хүнийг айж сандрахад хүргэлээ. Гэхдээ төр засгийн зүгээс иргэддээ тайван байхыг зөвлөж байна. Мэдээж Хойд Солонгосыг   буруутгах нь зүйтэй гэж бодож байна. Дайн дэгдэхгүй байх . Сэтгэл тавгүй байна даа.