Дэлхийн эрүүл мэндийн байгууллагын ерөнхий захирал Маргарет Чан ДОХ-ын вирус халдварлах аюулыг багасгах зорилгоор зарим тохиолдолд бэлгэвч хэрэглэж болохыг зөвшөөрсөн Ватиканы тэргүүн Бенедикто XVI -т даваа гаригт баяр хүргэжээ.

“Ийм байр суурьтай байгаад баяр хүргэж байна. Ватикан анх удаа зарим тохиолдолд бэлгэвч хэрэглэж болохыг зөвшөөрч байгаа тохиолдол боллоо.Энэ бол сайн мэдээ, сайн эхлэл юм” гэж  Дэлхийн эрүүл мэндийн байгууллагын ерөнхий захирал Чан ДЭМБ-ын жилийн тайланг танилцуулах үеэр Берлин хотод мэдэгдсэн байна.

Мягмар гаригт хэвлэгдэн гарах  “Ертөнцийн гэрэл”  номд Бенедикт XVI “зарим тохиолдолд” дох өвчний халдварын аюулыг багасгахаар бэлгэвч хэрэглэх нь зөвтгөн үзэх талтай гэж үзсэн ажээ.
 
Эх сурвалж: AFP
Бэлтгэсэн Д.Пунцаг