-Хэдэн толгой мал вакцинжуулах вэ?
-Зүүн аймгуудад гарсан малын гоц халдварт өвчнийг нийслэл хот руу оруулахгүйн тулд салаа туурайтан бүх малыг вакцинжуулна. Бидний тооцоогоор нийслэлийн бүсэд хамаарах 416 мянган толгой малыг бүрэн вакцинд хамруулахаар төлөвлөж байгаа. Ажлаа тав дахь өдөр гэхэд дуусгана.
-Шүлхийн вакцин хүрэлцэхүйц хэмжээгээр ирсэн үү?
-Энэ сарын 21-нд ОХУ-аас 200 мянган тун вакцин хүлээн авч дүүргүүдэд хуваарилаад байгаа. Энэ ажилд нийтдээ 100 сая төгрөг зарцуулна гэсэн тооцоо бий. Үүнээс 15 сая төгрөгийг дүүргүүдэд, 85 саяыг нь вакцин худалдан авахад зарцуулахаар тусгасан. Сонгинохайрхан дүүрэг вакцингүй байгаа. маргааш/өнөөдөр/ 4 мянган тун вакцин нэмж хүлээн авна. Үүнээс гадна уг томоохон ажилд оролцох Мал эмнэлгийн газар, Нийслэлийн Мэргэжлийн хяналтын газрын ажилтнуудын хувцас, багаж хэрэглэл, зүү тариурыг мөн хуваарилаад байна.
-Багануур, Налайх дүүрэгт вакцин очихгүй байгаа гэх юм?
-Үнэхээр алслагдсан дүүрэг болох Багахангай, Налайх зэрэг дүүрэгт хангалтгүй байна. Тиймээс холбогдох газруудад нь шүлхийн вакцинийг яаравчлан хийх, Мал эмнэлгийн газар, Онцгой байдал, Мэргэжлийн хяналтаас тус дүүргүүдэд биеэр очиж ажиллахыг үүрэг болголоо. Сонгинохайрхан дүүрэгт вакцинжуулалт 5.2 хувьтай байгаа бол Баянзүрх дүүрэг 20.3 хувь, Чингэлтэй дүүрэг 73.4 хувьтай байна. Нийтэд нь аваад үзэхэд сүүлийн хоёр өдөрт 53.6 мянган малыг вакцинжуулсан буюу нийслэлийн хэмжээнд 13.4 хувийн биелэлтэй байгаа гэсэн үг.
-Хот руу орж ирж байгаа машиныг ариутгах ажилд хүндрэл бэрхшээл гарч байна уу?
-Шалган бүртгэх товчоодод машины дугуйг ариутгаж байгаа бодис хөлдөх, хүн хүчний хүрэлцээ дутмаг зэрэг хүндрэлүүд гарч байна. Пост дээр нэг л цагдаа ажиллаж байгаа нь ариутгал, халдваргүйтгэл хийлгэхгүй явах боломжийг олгож байна л даа. Тиймээс товчоодод хоёр цагдаа ажиллуулах хэрэгтэй. Бас Баянзүрхийн товчоогоор хулгайн замаар орж ирэх магадлал их байгаа учир бүх хулгайн замыг хаах, пост ажиллуулах арга хэмжээг авна. Ямар ч гэсэн зүүн аймгуудад гарсан шүлхий өвчин нийслэлд тархахаас сэргийлэхээр ажиллах болно. Нийслэлд шүлхий орж ирэх ёсгүй гэв.
Багануур, Налайхад вакцин хангалтгүй байгаа
Өчигдөр болсон нийслэлийн шуурхай хуралдаанаар Дорнод, Сүхбаатар аймагт гараад байгаа малын гоц халдварт шүлхий өвчний тархалтыг зогсоох, нийслэл хотод шүлхийн халдвар оруулахгүйн тулд бүх малыг вакцинжуулахыг холбогдох байгууллагуудад үүрэг болголоо. Нийслэл хотын малыг вакцинжуулах ажлын эргэн тойрон дахь асуудлаар Хотын ерөнхий менежер Ч.Батаас тодрууллаа.