БНХАУ-ын зүгээс Япон руу хийх ховор минералын экспорт ирэх долоо хоногоос эхлэн үргэлжлэх гэж байгаа тухай Японы худалдааны сайд мэдэгдсэн байна. Өндөр технологийн бараа, LCD дэлгэц зэргийн үйлдвэрлэлийн хамгийн гол түүхий эд болох энэ минералын экспорт хоёр орны гадаад харилцааны хурцадмал байдлаас болж бараг хоёр сарын турш зогссон билээ.

Японы тэнгисийн цэргийн хүчин Хятадын далайн зүүн хэсэгт байрлах эзэмшлийн маргаантай арлуудын ойролцоо Хятадын загасчдыг баривчилснаас болж хоёр улсын хооронд маргаан дэгдсэн юм.

“Ховор минералын экспортыг зогсоох нь эргээд БНХАУ-ын компьютерийн зах зээлд маш хүчтэй нөлөөлнө гэдгийг хятадууд ойлгосон байх. Япон руу хийх энэ бүтээгдэхүүний экспортын хэмжээ эргэн хэвэндээ орно гэдэгт би итгэж байна” гэж Худалдааны сайд Акихиро Охата хэлжээ.