Говь-Алтай аймагт шар өвчний хажуугаар
галзуу өвчин ч газар авч мэдэхээр болж, энэ өвчний голомт идэвхжиж
байгаа аж. Энэ өвчний голомт нэлээд хурцацтай  идэвхжиж байгаа гэнэ. Тус
аймгийн хэмжээнд энэ онд 12 хүн галзуу чононд ноцуулсан байна. Мөн энэ
он гэхэд  Халиун суманд нэг, Жаргалан суманд дөрөв, Цогт суманд долоон 
удаа  галзуу өвчний тохиолдол гарчээ. Түүнчлэн Цогт суманд айлын гэрт
галзуу чоно орж ирэн хүн ноцсон явдал ч гарсан байна. Цогт суманд тэмээ,
ямаа, нохой, Цээл суманд чоно, Халиун суманд  ямаа, Төгрөг суманд  үнэг
галзуурчээ.