Буриадын ерөнхийлөгч Вячеслав Наго­вицын Улаан-Үдэд суугаа Монголын ерөн­хий консул ноён Л.Жавзмаатай уулзлаа.

Ерөнхийлөгч энэ зун ажилдаа орсон ерөнхий консул Лхамсүрэнгийн Жавжмааг ажил хэрэгтээ хэрхэн дасч байгааг асуус­наар тэдний уулзалт эхэлжээ. Л.Жавзмаа ерөн­хийлөгчид талархлаа илэрхийлээд хоёр талын харилцаанд эерэг эрч хэвээр байгаа гэлээ.

Энэ уулзалтаар Буриадад амьд мал ба мах импортлох асуудал голчлон яригдсан байна. Монгол улс хөдөө аж ахуйн бүтээг­дэхүүн нийлүүлэх сонирхол ихтэй байгааг консул хэлжээ. Харилцан ашигтай хамтын ажиллагааг цаашид өргөжүүлнэ гэж хоёр тал тохиролцлоо гэж Буриадын албан ёсны сайтад мэдээлсэн байна.