Оросын холбооны улсын Ерөнхийлагч Дмитрий Медведев баглаа цэцгийг “Лубянка” станцын террор хийгдсэн газар тавьжээ.  Төрийн тэргүүн станцын гүйдэг шатаар бууж аллага болсон газарт очин  амь үрэгдэгсэдийн дурсгалыг хүндэтгэлээ.

“Энэ гэмт хэрэг жигшүүртэй бөгөөд манай энгийн иргэдийн эсрэг ийм хэрэг хийж байгаа нь тэр хүмүүсийн хүчин мөхөсдсөний гэрч болж байна. Ямар утгаар ямар шалтгаанаар үүнийг  хийсэн  ч бай тэд бол зэрлэгүүд. Бид тэднийг олж бүгдийг нь устгана гэдэгт би эргэлзэхгүй байна” гэж Медведев мэдэгдлээ. Невскийн хурдан галт тэргийг дэлбэлсэн хэргийг зохион байгуулагч нарын эсрэг хийсэн ажиллагааг тэр онцлон жишээ болгон дурдаж байв. Тэднийг “үнсэн товрог болгон устгасан” гэж Ерөнхийлөгч сануулж байгаа юм. Төмөр замд террор үйлдсэн зохион байгуулагч нарын нэгээр Саид Бурятский байсан гэж Холбооны аюулгүйн алба мэдэгдэж байсан ба түүнийг гуравдугаар сарын 2-нд Ингушийн Экажева тосгонд хийсэн тусгай ажиллагааны үеэр устгасан билээ. Москвагийн метрон дахь аллагыг террористууд лидерээ устгуулсны өшөө болгон хийсэн гэх хувилбарыг мөрдөгч нар шалгаж байгаа юм.

Амиа золиослогч нар эмэгтэйчүүд байсан ба тэдний тэсрэх бодистой бүс нь
1,2 метрт зүүгдэж байснаас нүүр царай нь танигдахаар үлдсэн байсан
тухай хүчнийнхэн хэлээд тэднийг таньсан гэж мэдээлсэн байна. Амиа
золиослогч эмэгтэйчүүдийг “европ царайтай” эмэгтэй дагалдан явсан байж
магадгүй ба түүнийг одоогоор хайж байгаа юм. Хэрэв амиа золиослогчын
хэн нэг нь хийх гэж байгаа зүйлээсээ айсан бол тэр эмэгтэй орлож болох
байсан гэнэ.

Мөн энэ үеэр Москвагийн таксичид үнээ хөөрөгдөж мөнгө олохыг оролдсоны дээр хэлмэгдэгсдэд тусална гэсэн  SMS-зальнууд идэвхжиж байгааг утасгүй холбооныхон сануулж байжээ.
Сөрөг хүчний "Оборона" хөдөлгөөний зохицуулагч  Олег Козловский өөрийн блогдоо улс төрийн биш зөвхөн амь үрэгдэгсдийн дурсгалыг хүндэтгэх ажиллагааг 29-ний орой Лубянскийн талбайд хийхээр зарласан байв. Энэ ажиллагаанд оролцохоор ирсэн хүмүүс зул асаан цэцэг тавьсан байжээ. Үүнээс өмнө Кремлийн талыг баригч залуусын хөдөлгөөнүүд Триумфальны ба Лубянскийн талбайд дурсгалын арга хэмжээ явуулна гэж мэдэгдсэн байлаа. Москва хотын захиргаа гуравдугаар сарын 30-ны өдрийг хотод гашуудлын өдөр болгон зарлажээ.