Олон улсад нэр хүндтэй “Эрнст энд Янг”-ын Монгол дахь салбар компани болох “Эрнст энд Янг Монголия Аудит” ХХК Монгол Улсын Төв банкны энэ оны санхүүгийн тайланд аудит хийж эхэлжээ.

Төв банк энэ оны санхүүгийн тайланд санхүүгийн тайлагналын олон улсын стандартын дагуу аудит хийлгэх олон улсын хэмжээний тендер зарласан юм. Сонгон шалгаруулалт хоёр оролцогч материалаа ирүүлсэн ба “Эрнст энд Янг Монголия Аудит” ХХК болон “Онч-Аудит” ХХК олон улсын KPMG аудитын компанитай хамтран тендерт өрсөлдсөн. Ингээд тендерт “Эрнст энд Янг Монголия Аудит” ХХК ялж Төв банкинд аудит хийж эхлээд байна. Аудитыг ирэх оны гуравдугаар 30-ны өдрийг хүртэл хийх ажээ.

Б.СҮРЭН