Сангийн
дэд сайд Т.Очир­хүүг гэнэтийн томилгоогоор “Улаанбаатар төмөр зам”
нийгэмлэгийн дарга болгосон. Бараг өөрөө ч мэдээгүй  байхад нь түүнийг
төмөр замын вант улсыг удирдуулахаар на­маас нь томилсон гэдэг. Уг
томилгооноос болж Монгол, Оро­сын хувь нийлүүлсэн тус ний­гэмлэгийн
Ерөнхий хорооны хурлаас гарах шийд­вэрт найдаж байсан зарим хү­ний хүсэл
талаар болж нам хүчтэйг харуулсан. Энэ  бүх­ний дараа Сангийн дэд
сай­дын суудал онгойж үлдсэн юм. Ирэх оны төсвийн төслийг УИХ-аар
хэлэлцэж буй энэ чухал өдрүүдэд ачааны хүндийг үүрэх  учиртай тус  яамны
дэд сайдаар хэнийг томилохоо Ардын намынхан ой­рын үед шийдэж ядан
байгаа аж. Одоогоор УИХ дахь бүл­гийн асуудлыг нэг мөр шийдээгүй,
Социнтерний ху­ралд оролцохоор явсан ген­сек У.Хүрэлсүх, Шадар сайд
М.Энхболд нар эзгүй байгаа зэрэг шалтгаанаар дэд сайдын томил­гоог албан
ёсоор яриа­гүй байна. Гэхдээ өөрийн хү­нээ зүтгүүлэх марафон тус
намынхан дунд аль хэдийнэ эхэлсэн сурагтай. Ардын на­мын удирдлагын
түвшинд дэд сайдад хэд хэдэн хүнийг зүт­гүүлж буйгаас Ерөнхий сайдын
зөвлөх Ч.Ганхуяг, Сан­гийн яамны Төсвийн бод­логын газрын дарга
Б.Бат­жаргал нарын нэр нэлээд эрт­нээс яригдаж  байсан юм. Үүнээс гадна
тус яамны Тө­рийн нарийн бичгийн дарга Д.Баттөрийг дэд сайд болгох тухай
яриа ч байгаа аж. Өөр хэдэн хү­ний нэр яригдаж байгаа ч их хурлынхаа
дараа тус на­мынхан  нэрээ өөрчилж, ши­нэчлэл ярьж эхэлсэн энэ үед  эрч
хүчтэй, залуу хүнийг зүтгүүлэх нь нэгэнт тодорхой болжээ.   

Н.МӨНХТӨВШИН