Уэйлсийн хунтайж Уильям  удаан үерхсэн найз бүсгүй Кейт Миддлтонтой гэрлэхээр болжээ.  Хос хоёр ирэх жилийн хавар,  эсвэл зун нь хуримлахаар төлөвлөж байна.  Их Британийн хунтайж  Чарльз, Диана нар 1981 онд сүр дуулиантай хурим хийж байсан бол түүнээс хойш 30 жилийн дараа тэдний ууган хүү угсаа залгамжилсан хунтайж Уильямын хуримын цуу дэлхий нийтэд тараад байна. Уильям, Кейт нар өдгөө 28 настай бөгөөд өнгөрсөн сард Африкт аялж явахдаа сүй тавьсан аж. Хунтайж сүйт бүсгүйдээ ээжийнхээ сүйн бөгжийг зүүж өгөхдөө энэ онцгой өдрийг ээж нь үзээгүйд харамсч байжээ. Уильям аяллын үеэр сүйн бөгжийг үүргэвчиндээ гурван долоо хоног авч явсан бөгөөд алдчих вий гэхээс санаа зовж байсан гэнэ.

Хос хоёр аялалд найзуудын хамт явсан учир Кейт энэ тухай огт төсөөлөөгүй явжээ. 

Сүйн бөгж зүүж өгөх мөч мш романтик байсан тухай  Уэйлсийн ирээдүйн хатан хаан Катерин ярьж байна. Наснаасаа эрт халзарч буй хунтайж үүнийгээ тайлбарлахдаа “ Би Кейтийн ааваас охиныг нь гуйвал татгалзсан хариу авах болов  уу гэж бодсоор ийм болсон” гэж хошигносон гэнэ.

Хүүхэдтэй болох талаар Уильям “ Бид гэр бүл болсныхоо дараа энэ тухай бодно” гэжээ.

Хунтайж Уильям, Кейт нар 8 настайдаа анх танилцаж, хожим Шотландад Гэгээн Андрюгийн их сургуульд суралцаж байхдаа учирсан аж. Тэд сайн найзууд болж, оюутны байранд нэг өрөөнд амьдарч байжээ.  2002 онд хунтайж  Уильям  Кейтийн загварын шоуг үзэхээр хамгийн урд эгнээний суудлыг 200 фунтаар худалдаж авч байсан ч 2004 оноос л тэдний дотно харьцаа олон нийтэд ил болж эхэлсэн юм. Гэрлэх ёслол хаана болох нь одоогоор тодорхой болоогүй байгаа ч хатан хааны гэр бүлийнхний шүтээн нь Вестминстрийн  сүм, Гэгээн Полын  цогчин дугана аж.  Кейтийн  загвар зохион бүтээгчээр Бразили гаралтай Даниелла Исса ажиллаж магадгүй гэж олно хүн таамаглаж байгаа  боловч Британийн загварын зөвлөл түүний албан ёсны  дизайнер болохоо мэдэгдээд байгаа аж.