Нийслэлийн Засаг  дарга бө­гөөд Улаанбаатар хотын за­хирагч Г.Мөнхбаяр  Австрийн Вена хотод ажлыг айлчлал хийж байгаа тухай мэдээлсэн билээ. Тус хотод айчлал хийж буй хотын даргыг уржигдар Вена хотын дарга Хойпл хүлээн авч уулзжээ. Веначууд Улаанбаатар хоттой нийгмийн бүхий л сал­барт хамтран ажиллахад бэлэн байгаагаа илэр­хийлсэн байна.  Хамгийн гол нь яг юун дээр яаж хамт­ран ажиллах та­лаар хоёр хотын хүн амд нэн шаард­лага­тай  алхамуудаа тодор­хой бол­гож авья гэж Вена хотын дарга уулзалтын үеэр мэдэгдлээ.  Уул­залтын эхэнд Веначүүд өөрсдөө санаачлага гарган Улаанбаатар хо­тыг Ази дахь хамт­ран  ажил­лах түн­шээ гэж үзэж бай­гаад баяр­тай бай­на гэж Улаанбаа­тар хотын Захи­рагч хэлсэн байна. Улаан­баатар хот 1.1 сая хүн ам­тай.  Одоо яваг­даж бай­гаа хүн ам,  орон сууцны тооллогоор яг хэдэн хүн энэ хотод амьдарч байгаа вэ гэ­дэг нь илүү то­дорхой болно. Бидэнд нэг са­яас дээш хүн амтай дэлхийн хотуудад то­хиолддог тул­гамдсан асуу­дал их байна гэж хэлжээ.  Вена хотын дарга Хойпл, “Хоёр хотын хамтын ажил­лагаа яг тодорхой сал­барууд дээр хамтран ажиллах төлөв­лөгөө­тэй  байгаа. Тухайл­бал, цэвэр­лэх байгууламж, хог хаягдал шатаах,  дахин боловс­руулах үйлд­вэр дээр  хамтран ажил­лахад бэлэн байна. Манай тех­нологи ч гэсэн хамгийн сүү­лийн үеийнх. Бидэнд хот төлөв­лөлт бо­лон байгуулалтын арвин турш­лага бий гэж  хэлэв. Уул­залтын яв­цад Австрийн Ерөн­хийлөгч  ирэх жил Монгол улсад албан ёсны айлчлал хийх гэж буй талаар яригдсан байна. Тэрхүү  айлч­лалын  үеэр дээр яригдсан олон ажлууд эхнээсээ бодит ажил хэрэг болно” гэж байв. Мөн энэ уулзалтын төгс­гөлд Вена хотын дарга Хойплыг тааламжтай үе­дээ Улаанбаатар хотод айлч­лахыг нийслэлийн Засаг дарга Г.Мөнхбаяр урилаа. Хотын дар­гын  Вена хо­тод ажиллах үеэрээ танилцсан хамгийн анхны газар бол Ве­ноёийн цэвэрлэх байгуу­ламж байсан байна. Авст­ричууд энэ цэвэрлэх байгууламжийг хо­тын­хоо хамгийн нам дор дүүрэгтээ байгуулжээ. Вена хотын нэг өрх өдөрт дунджаар 150 литр ус хэрэглэдэг. Хэрэглэсэн бохир ус хийгээд хотын хүн амын хэрэглэсэн бохир усыг хоёр аргаар цэвэрлэдэг. Эдгээр нь механик болон биологийн арга байдаг талаар Вена хотын Ерөн­хий цэвэрлэх байгууламжийн захирал Кристан Гантнер Улаан­­баатар хотын Захирагчид танилцуулжээ. Тэрбээр хэлэхдээ, “Манай үйлдвэрийн хувьд Вена хотын бүх бохир усыг ямар ч асуу­­далгүй цэвэрлэж чадаж бай­гаа.

Европын холбооны орнууд дотроос хамгийн өндөр, сүүлийн үеийн технологийг манайх нэвт­рүүлж чадсан. Үүний үр дүнд эдийн засгийн хувьд маш их хэмнэлт гарч байгаа юм.  Яагаад гэвэл бид бохир усыг нэг дор бөөг­нөрүүлэн цэвэрлэж байна.  Мөн хүлээж авсан нийт бохир усаа 99 хувь цэвэршүүлж чаддаг нь чанарын гол үзүүлэлт юм” гэжээ.  Веноёийн цэвэрлэх бай­гууламж эхлээд гаднаас ирсэн бохир усаа тусгай  байгууламж дотор 5 цаг байлгаад дараа нь хогийг нь ялгаж авдаг байна. Ганцхан долоо хоногийн дотор гэхэд л 15 тонн хог хаягдлыг ял­ган авдаг гэж байлаа.  Улаан­баатар хотын хувьд жил ирэх тусам өсөн нэмэгдэж байгаа хүн ам түүнийг дагасан усны хэрэг­лээнээс улбаалан цэвэрлэх бай­гууламж нь ачааллаа дийлж чадахгүй байгаа билээ.  Тий­мээс  Улаанбаатарчуудын хувьд судлах зүйл маш их байна гэдгийг  НИТХ-ын төлөөлөгчид онцолж байжээ.  Ер нь Вена хо­тын хувьд нийт хэрэглээний ус­ныхаа 95 хувийг уулнаасаа ав­даг. Хамгийн цэвэр усыг ундан­даа хэрэглэж  түүнчлэн байга­лийн цас,  борооны усыг тосон авч эргээд үйлдвэрлэлд ашиг­ладгаараа дэлхийд тэргүүлэх орны нэг аж. Хотын даргын очсон дараагийн газар нь дулааны шугам сүлжээний тусгай хог шатаах үйлдвэр байжээ. Тус  үйлдвэр нь Вена хот болон хөрш хотуудаас үйлдвэрийнхээ үндсэн түүхий эдийг хүлээн ав­даг байна. Анх 1969 онд байгуу­лагдаж байжээ. Эзэмшлийн хувьд  Вена хотын захиргаанд харь­яалагддаг.  Хог хаягдлыг дотор нь аюултай, ахуйн болон тусгай хог гэж гурав ангилдаг бай­на. Вена хотын Тусгай хог хаягдлын үйлдвэрийн газрын дарга Эрнст Лохерийн тайлбар­ласнаар  тус байгууламж нь ор­чин үеийн хамгийн өндөр тех­нологийг үйлдвэрлэлдээ  ашиг­ладаг аж.  Хогийг таван дамж­лагаар дамжуулан шатаадаг. Гэхдээ байгаль орчинд халгүй үйлдвэрлэл эрхэлдэг гэж байв.  Үйлдвэрээс гарч буй утааг  чийг­шүүлэгч филтэрээр шүүдэг.  Ин­гэснээр  нүүрс хүчлийн хий маш багатай утаа  агаарт ялгардаг гэж байв. Тус үйлдвэрийн гар­гасан цахилгаан дулаанаар Ве­на хотын нийт айл өрхийн дөрөв­ний нэгийг хангадаг байна. Жилдээ 850 мянган тонн хог шатаадаг юм байна. Үйлд­вэрийн бас нэг онцлог нь эмнэл­гийн буюу химийн хог хаягдлыг хүлээн авч шатаадаг.

Энэ төрлийн хогийг тусгай лацадсан агуулах саванд хийж, галт тэр­гээр зөөвөрлөн үйлдвэрт авчир­даг гэж байлаа.  Түүнчлэн хо­тын­хоо бохир ус цэвэрлэх бай­гууламжаас гарсан хог хаягдлыг шатаадаг талаар Улаанбаатар хотын Захирагч болон дагалдан яваа төлөө­лөгчдөд танилцуул­жээ. Үйлд­вэрийн бүх үйл ажил­лагааг тусгай автомат ажил­лагаа­тай хяналтын төвөөс хяна­хын зэрэгцээ үйлдвэрээс гарсан эрчим хүч,  дулаан дамжуулах ажлыг давхар гүйцэтгэдэг байна. Нийтдээ 170 ажиллагсадтай хог шатаах үйлдвэр Европын хол­боо­ноос баталсан агаарт ял­гаруу­лах хорт бодисын байвал зохих стандартыг яг таг мөрдөж ажилладгаараа гайхагддаг.