Өнгөрсөн оны шилдгүүдээ шалгаруулдаг “Гэгээн муза-2009” наадам долоо дахь жилдээ амжилттай болж өндөрлөлөө. Тус наадмаас Оны шилдэг эмэгтэй гол дүр”-ийн шагналт И.Одончимэг монгол дээлний захны деталийг ашигласан анаашийг санагдуулам хар, цагаан хээтэй, урдуураа богино, хойгуураа урт хар хормойтой даашинзтай улаан хивсний ёслолд ирэв. Тэрбээр энэ даашинзтайгаа нэг тавгүй харагдаж байлаа. Харин түүний нөхөр Т.Бархүү тюксидо загварын хар хослол, мөн монгол үндэсний дээлний захнаас детальчилсан срочка цамцтай энэ үдшийн шагнал гардуулах ёслолд ирсэн байв.