Шинэ жил хаяанд ирж, он солигдох мөч ойртжээ. Энэ уур амьсгалыг мэдрүүлэн нийслэлийн хаа сайгүй сүлд мод сүндэрлүүлж эхэлсэн байна. Хэдийгээр арванхоёрдугаар сар гараагүй ч албан байгууллагууд гадна талбайдаа гацуур мод чимэглэсэн нь нийслэлийн өнгө үзэмжийг чимж, баярын уур амьсгалыг эрхгүй мэдрүүлнэ.

Түүний нэг болох Сүхбаатарын талбайн зүүн талд байрлах “Central tower” барилгын өмнөх талбайд босгосон сүрлэг гацуур.  20 гаруй метр өндөртэй энэ гацуурыг чимэглэх ажил хэд хоног үргэлжилж, өчигдрөөс гэрлэн чимэглэлээ зүүжээ. Залуусын очих дуртай “Irish pub” ч мөн шинэ жилийн баярын гацуураа чимэглэж, үйлчлүүлэгчдэдээ бэлэг барьсан байна лээ.