2010 оны хүн ам, орон сууцны тооллого өнөөдөр дуусах юм. Долоо хоногийн хугацаанд үргэлжилсэн уг тооллогын зургаа дахь өдөр гэхэд нийслэлийн өрхийн 90 гаруй хувь тоологдсон байна. Орон нутагт ч мөн ийм байдалтай байгаа юм. Тооллогын сүүлчийн өдөр тоологч, шалгагч нар тооллогоос хоцорсон хүмүүсээ нягтлан үзэж, бүрэн хамруулахаар ажиллах гэнэ.

Байраа түрээсэлдэг болон хажуу өрөөгөө бусдад хөлслүүлдэг айлууд ам бүлийн тоо нэмэгдэх вий гэдгээс болгоомжлон түрээслэгчдийг тоолуулахгүй үлдээх тохиолдол гарч байгаа гэнэ. Тиймээс ийм шалтгаанаар тооллогод хамрагдаж чадаагүй үлдсэн оюутнуудыг өнөөдөр МУИС, Боловсролын их сургууль, ШУТИС, ЭМШУИС, ХААИС-ийн хичээлийн гол байруудад тоологч ажиллаж хамруулах ажээ.