ХААН Банк сан, АНУ-ын Азийн сан хамтран хөдөөгийн хүүхдэд зориулсан танин  мэдэхүйн гурав дахь төвөө  Дорноговь аймагт нээлээ. Одоогоор уг төвийг аймгийн төвийн ерөнхий боловсролын I сургууль дээр  байгуулсан бөгөөд ирэх онд аймгийн хүүхдийн ордны иж бүрэн засвар дуусч, ашиглалтанд орсны дараа хүүхдийн ордонд шилжин байршиж үйл ажиллагаагаа өргөжүүлж явуулах юм.

Цаашид компъютер техник хэрэгслийг өргөжүүлж интернеттэй холбон хүүхдийн оролцооны байгууллагатай хамтран ажиллах юм.  Манай хойч үеийхэний төлөө анхаарал тавьж сурах боловсрох  бүхий л боломжийг нээж өгч байгаа дээрх хоёр байгууллагаас гадна Аймгийн ЗДТГ, Аймгийн хүүхдийн хэлтсээс ийнхүү оюуны хөрөнгө оруулалт хийж өгч байгаад  өсвөр үеийнхэн баяртай  байгаа аж.