Өнгөрсөн жилээс эхлэн сар бүрийн хоёр дахь долоо хоногийг “Нээлттэй хаалганы өдөр” болгон зарлаж, иргэдэд үйчилгээ үзүүлж буй Улсын бүртгэлийн ерөнхий газрынхан уламжлал ёсоор өнөөдөр ажиллаж байна. Амралтынхаа өдрөөр ажиллаж буй тус хамт олон “Нээлттэй хаалганы өдөр”-ийн хүрээнд бүртгэлтэй холбоотой үйлчилгээ үзүүлэхээс гадна иргэдийн өргөдөл гомдлыг хүлээн авах, иргэний, эд хөрөнгийн эрхийн, хуулийн этгээдийн бүртгэлтэй холбоотой бүх төрлийн архивын лавлагаа, үйлчилгээ үзүүлэх юм байна.