Өмнөд Солонгосын асрамжийн газар гал гарснаас болж 10 хүн амиа алдаж, 17 хүн гэмтсэн байна. Энэ явдал баасан гаригийн үүрээр Поханг хотын ахмадын асрамжийн газар болсон байна. Гал маш хүчтэй байсан тул 200 орчим гал сөнөөгч, 20 машинтай ирж, 30 минутын дотор галыг зогсоосон тухай Солонгосын цагдаагийн газрын хэвлэлийн төлөөлөгч мэдэгдэв.

Асрамжийн газар хоёр давхартай бөгөөд гал нэгдүгээр давхраас эхэлж гарсан байна. Ослын шалтгаан одоогоор тодорхойгүй байгаа аж. Амиа алдсан бүх хүн 70-80 настай байжээ. Түлэнхийний гэмтэл авсан хүмүүсийг эмнэлэгт хүргэсэн байна.

Энэхүү асрамжийн газар ихэвчлэн 50-91 насны эмэгтэйчүүдэд үйлчилдэг байсан гэж тус улсын “Yonhap” агентлаг мэдээлжээ.