![](https://news.mn/wp-content/archive1/news/photo/2010/3/2bcc00898fc772bd/859fe609c389876ebig.jpg)
Өнгөрөгч бямба гаригт Чингэлтэй дүүргийн 19 дүгээр хороонд байрлах “Эвийн хүрээ” христийн сүмийн хашаанд уулын ус буусны улмаас их хэмжээний ус тогтож, хүн явах боломжгүй болжээ. Нийслэлийн Аврах отрядын бүлэг иргэдэд зөвөлгөө, сэрэмжлүүлэг өгсөн аж.
Сүхбаатар дүүргийн 17 дугаар хороо, “Бэлх” зуслангийн задгайд өнгөрөгч ням гаригт гурван хүүхэдтэй иргэн “Мицубиши пажеро” автомашинтай жалга руу орж, цасанд суусан байсныг Шуурхай бүлэг 105-ын аврагч нар татаж гаргажээ.
Мөн Төв аймгийн Эрдэнэ сумын нутаг, “Харзтайн ам”-д “Портер” машинтай иргэд цасанд суусан байсныг Налайх дүүргийн Онцгой байдлын хэлтсийн аврах бүлгийнхэн гаргажээ.
Х.Хангал