“Монгол ньюс” компанийн Мэдээллийн төвд өнөөдөр нэгэн эмэгтэй өөрийг нь Авлигатай тэмцэх газрын Мөрдөн шалгах хэлтсийн дарга Э.Амарбат хүчирхийлж, сэтгэл санааны дарамтад оруулсан талаар мэдээлэл хийсэн билээ. Өөрийнхөө тухай тодорхой мэдээллийг нууцалж, тухайн үед буюу арваад гаруй хоногийн өмнө болсон гэх үйл явдлын тухай сэтгүүлчдэд ярьсан эмэгтэйн өгсөн мэдээлэлтэй холбогдуулж, АТГ-аас яг одоо хариу мэдэгдэл хийж байна. Хэвлэлийн бага хуралд АТГ-ын Мөрдөн шалгах хэлтсийн дарга Э.Амарбат өөрөө оролцож байна. Хэвлэлийн бага хурал Хэвлэлийн хүрээлэнгийн Мэдээллийн төвд болж байна.